ادور على اليشبهك

ادور على اليشبهك واحجي وياه
واغمض واحس روحي كمت احاجيك
كل ساعه اغلط بأسمك واسميه
واحلف بعد ما اغلط واسميه
اليشبهك يبتلي بلوة اني ابليه
مثل ماجنت بلوة اني باليك
اضل من كَلبي اطلعله مواضيع
واقراله مثل ماجنت اقريك
واخلي روحي كوة تنجبر بيه
وانا شما كَلبتني منجبر بيك
انومه بحضني الوليله واغفيه
بنفس الحضن ذاك الجنت اغفيك
وانت هناك اكَول يجوز بردان
واغطي صورتك كل عقلي ادفيك
وانت هناك اكَول يجوز جوعان
واغص بالزاد لمن يمر طاريك
شحجيلك ولك شمسوي الفراكَـ
الحجي ميفيد من ترجعلي اراويك
افوت بكل درب ماشي انا وياك
واضل اتخيلك وياي احس بيك
كل خطوة احسك تمشي وياي
واحس ايدك بدي وياي امشيك
واسولفلك واضحكك على المضى وفات
وارد اعتب عليك ودم ابجيك
واكَلك سولف انت شصار ماصار
واكَلك سولف انت شصار وياك
والجمهن جروحي ما اوصيك
واخاف ما اسألك انت مشتاكَـ
حبيبي براحتك راح اني اخليك
اخاف تقول ما مشتاكَـ وشلون
اموتن من فشلتي وانتحر بيك
وما اسألك عرفت فلان وفلان
هاي اسئلة تخوف ليش احجيك
وافتحلك جروحي وشوف الجروح
واذكرك قبل من جنت اداويك
واشوفك دمع عيني شرط بس شوف
ممنوع اللمس لا دمعي يجويك
ونرجع ليورة ونذكر الفات
وارجع ذكرياتك حتى أذيك
تذكر من كتبنا نبقى للموت
على الحايط واذا تيهت ادليك
اني شاهدي حايط وبقى وياي
شجاك انت وعفتني شمالك شبيك
انا نطيتك جروحي وكتلك اختار
كَلبك من عفتني شلون ينطيك
شو جازيتني بأيام الفراق
وقبل كَتلي اموت وما اجازيك
ما اريد انفجر واحجيلك شضام
وعلى دمعة عيونك ليش اوازيك
المهم مات احنة حبنا وانتهى وراح
وكل السالفة جاي اني اعازيك
ادور على اليشبهك واحجي وياه
واغمض واحس روحي كمت
احاجيك
تحياتي الكم
نہبہرآآسہےً I love you

دعني أنحي قلمي قليلا

أقف أحتراما لك

ولقلمك

وأشد على يديك لهذا الابداع
ا
لذي هز أركان المكان

واضع لك باقة وردي لشخصك

» حصريا وجديد الفنان خالد الحنين _ ادور الدنيا _ 2012 قمة الحزن وبدون حقوق