شعر من اجل حبيبتنااااااا هههههه

السلام عليكم
حبيت الطف الجوووو هناااا بفد شعررر مضحك
وهوة عن بلوة الكهرباء
راح تنقرررض الكرة الارضية ومشكلة الكهرباااء
لحد هسة ما محلووولة بس انكوول من الله
الصبرررر . ومن الصبرر للكبررررر
على كووولة المثل
اتركم مع الشعرر
.
.

ماتگدر تجينه امحنيه رجليهه
بلوه الكهرباء شلون تاليهه
ماتگدر تجينه وطبع دلوعه
بس ساعه تهل وخمسه مگطوعه
وحنه الصيف اجانه شحلو موضوعه
الروح بيا مكان وّين اوديهه

ما تگدر تجينه والمكيف دوم
بي صارت كآبه وشال كومه هموم
تضحكله المهفه تگله جالك يوم
ارجع منشأك خل عزتك بيهه

ماتگدر تجينه والحكومه بخير
من يوم الاجت ما صار كل تغيير
لحظه والعقل يخواني مني يطير
ياهو من الوزاره لعلتي يدريهه

ما تگدر تجينه والشمس تشوي
وفريزرنه خالي بس هوه يحوي
ووعود القياده وعود ما تروي
هيه اتريد امبيرين ننطيهه

ما تگدر تجينه والمولد فار
مشكور اعله تعبه وكفو منه وبار
يوميه بعطل حته المصلح حار
يفتر صبح ليل وحته ظهريهه

ما تگدر تجينه ونتوا خو تدرون
عدنه شلون صيف يذوب الفافون
مو لعبة طفل متونس ابّالون
من ايطگ محول ظلمه يغديهه

ما تگدر تجينه والگلب فرحان
أحنه اكثر بلد بالنفط والحرمان
وأحنه أسعد وطن محسود بالاوطان
من ناكل البيضه بچوله نگليهه

ما تگدر تجينه والجروح كبار
هادي الشعب ساكت يسمع الاخبار
واحد لزم كرسي وثاني شاله وطار
بس محد سأل عناس وشبيهـــــــه

ما تگدر تجينه محنيه حته الراس
والمسؤل يحلف والله والعباس
مضروبه المحطه شبيدي يا هلناس
صبرولي سنه ... عشرين خليهه !!

ما تگدر تجينه وشنهو الجاره
راح انصب عله البيتونه فرّاره
بلكي بهوه شرجي ولنهه دواره
ولأجواء نوبل أسمي يضويهه

ماتگدر تجينه ومجلس النواب
سوّاله اجتماع مقفل الابواب
گال الحل شعبنه ينزع الاثواب
وبدجله وفرات السبح ينسيهة

الشعررر كتب من قبل النجم الحزين

اتمنى ان يناااال الاعجااااب
تحياااتي
¢•°عہزاويہة°•¢

هههههههههه
يسلمووو كلام روووعه
تحياتي

هههههههههههههههههههه
عاشت ايدج عزوو
تقبلي مروري
تحياتي

» تحشيش للصبح هههههه
» لكل تدخل تباركلي هههههه
» هههههه سحكت كربلائية مصممت المنتدى هع
» رايده فد ترقيه اذا مصير زحمة بجدريه هههههه
» دينا هذا الوعد سحكت اصيل وحده من لسحكات الي راح تنزل باجر هههههه