اشعار 2000 وحب الا؟؟؟؟ منقول لعيونكم تحياتي عاشق غلاها:">

السلام عليكم ياحلوووين:!!
اليوم عندي اشعار تبجي
ومنقول لعيون جات عسل بغداد
اخليكم وية الاشعار ونطوني رائيكم مو تشردون
.
.
.
.
.
.
.
.
.
.

ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟ 

تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه 

عليك الليل كله انه ونه
ومعاك العتب هسه ان اوانه
اتهدد بالنفاها انه .. وانه
وينك مو طبك دهر العليه 

غرامك اثر بالعشك وداره..
هجرت الي تعب وياك وداره..
سمعت بقيس عاف اهله وداره..؟
حملت الضيم وهمومك سويه

منو مثلي تعب لجلك وداراك ؟
جهنم لجلك اتحمل و(داراك)
عسا من غيرك يسمر وداراك
ابسكم لا للحيا ولا للمنيه 

يكلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وكت اشبقه عندك اليه 

قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية 

حبيبي شرد اسولفلك...ولكدر
والهموم مبن ماعاين...ولكدر
الي جان وكتي ...ولكدر
وصرت انته والوكت عليه

نوبه حلوات الليالي نوبه...مرات
وحبيبة الروح علي ما...مرات
مو مره الخنتي يحبيبه...مرات
تخونين وتصح بيه الاذيه 

هذه الابوذية عن صديق غدر بصديقه
المغدور يقول ...

ولو مايسوى كلمة من اكتبة
ولكن سالفة ونكتة نكتبة
شنو حكم الغدر صاحب نكت بيه
عليه التف غفل لفة الحية

الجواب من احد الاصدقاء الخيرين ..

العقل بأمر الصديق ارجوك حكمة
وبدال النكتة خلي ايكون حكمة
اليغدر صاحبة مو مهم حكمة
المهم شلون نتلافة القضية 

صرت كهوه لحبيبي بوسط فنجان
فن انس الي يوصله فن جان
اذا العاقل نضرلك نضره فنجن
وانه المجنون وتكلي انظر اليه

انة الحزت الصبر والصبر حزني
والف وسفة اعلة سيف الظلم حزني
البحر البيض لون يلفيه حزني
يصير اسود بلون اليل مية 

أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه 

سماك
حلو إسمك وأبوك شلون سماك
حبيبيك لو زعل وياك سماك
صرت سمچه وانت الصرت سماك
لو طحت بحنانك إعطف عليه 

احبك من جنت جاهل واناحباي
مابطل وني عليك ونحباي
لون ينكضي نحبك ونحباي
يتلاكه هوانا جوه الوطيه 

جنت انت المرض وانت دوالي
وصارت بالجدم منك دوالي
اهديتك گلبي وتگلي دولي
وصرت دم ودمع تذرف عليه

جمر دمعي عله خدودي ترى سال 
كطعََّتّّّّ اخبارك حبيب تراسل
انه انسليت من هجرك ترى سل
وتون الروح وتريد المنيه

يمرمرني ويصيحن بيه همال
وترك دمعي عله الوجنات همال
تعدل حالي وبفركاه هم مال
تركني وراح ريته يعود اليه

وحگ عيسى وحگ مريم والاحد
بعدهم ما تهل عيني عله احد
حفر گبري من اخذ روحي ولحد
وقروا الانجيل من صلوا عليه 

اهداء الى اعز الناس على القلب

زماني شما لعب بيه...ولهتم
والراده علي يسري...ولهتم
بروحي شماتغيرتوا...ولهتم
لان حبكم دوه لكل مرض بيه

كلبي من الحزن ورث...وعطاب
وعيني اعله الطالع...وعطاب
حنيت لزادك وملحك...وعطاب
لان بس ملحك الغزر بيه

جيتك وبظلام الليل ...عناي
وعزفت بروحي مية جرح...عناي
بعد ما ظنك تنشد...عناي
بعد هجرك يروح الروح اليه

مره اشوفكم مشمش...مرتين
وكلبي مو مره حب...مرتين
العنده مره هلكانوانه...مرتين
وحده ترفع والثانيه تكبس بيه

بنات الوكت يا ناس...مرضني
يرضي بيهن الكلب...مايرضيني
مره يقيني يصيب وياهن...مرضني
ضني بكيدهن ميه بالميه 

فراكك هدني ولا خله بيه ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه 

نساك الطلع برة ونـتـناسة
يالعراق انت اهله وانت ناسة
يذكرك تراب الوطن وانت ناسة
لاتنسة الفرات من شربت ميه



لوما شفتك انه
متت من العطش لوما ... شفتك انه
اذا ما شفتك انه .... شفتك انه
ابكل الناس من تكبل عليه 

ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟ 

تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه 

عليك الليل كله انه ونه
ومعاك العتب هسه ان اوانه
اتهدد بالنفاها انه .. وانه
وينك مو طبك دهر العليه 

غرامك اثر بالعشك وداره..
هجرت الي تعب وياك وداره..
سمعت بقيس عاف اهله وداره..؟
حملت الضيم وهمومك سويه

منو مثلي تعب لجلك وداراك ؟
جهنم لجلك اتحمل و(داراك)
عسا من غيرك يسمر وداراك
ابسكم لا للحيا ولا للمنيه 

يكلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وكت اشبقه عندك اليه 

قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية 

حبيبي شرد اسولفلك...ولكدر
والهموم مبن ماعاين...ولكدر
الي جان وكتي ...ولكدر
وصرت انته والوكت عليه

نوبه حلوات الليالي نوبه...مرات
وحبيبة الروح علي ما...مرات
مو مره الخنتي يحبيبه...مرات
تخونين وتصح بيه الاذيه 

هذه الابوذية عن صديق غدر بصديقه
المغدور يقول ...

ولو مايسوى كلمة من اكتبة
ولكن سالفة ونكتة نكتبة
شنو حكم الغدر صاحب نكت بيه
عليه التف غفل لفة الحية

الجواب من احد الاصدقاء الخيرين ..

العقل بأمر الصديق ارجوك حكمة
وبدال النكتة خلي ايكون حكمة
اليغدر صاحبة مو مهم حكمة
المهم شلون نتلافة القضية 

صرت كهوه لحبيبي بوسط فنجان
فن انس الي يوصله فن جان
اذا العاقل نضرلك نضره فنجن
وانه المجنون وتكلي انظر اليه

انة الحزت الصبر والصبر حزني
والف وسفة اعلة سيف الظلم حزني
البحر البيض لون يلفيه حزني
يصير اسود بلون اليل مية 

أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه 

سماك
حلو إسمك وأبوك شلون سماك
حبيبيك لو زعل وياك سماك
صرت سمچه وانت الصرت سماك
لو طحت بحنانك إعطف عليه 

احبك من جنت جاهل واناحباي
مابطل وني عليك ونحباي
لون ينكضي نحبك ونحباي
يتلاكه هوانا جوه الوطيه 

جنت انت المرض وانت دوالي
وصارت بالجدم منك دوالي
اهديتك گلبي وتگلي دولي
وصرت دم ودمع تذرف عليه

جمر دمعي عله خدودي ترى سال 
كطعََّتّّّّ اخبارك حبيب تراسل
انه انسليت من هجرك ترى سل
وتون الروح وتريد المنيه

يمرمرني ويصيحن بيه همال
وترك دمعي عله الوجنات همال
تعدل حالي وبفركاه هم مال
تركني وراح ريته يعود اليه

وحگ عيسى وحگ مريم والاحد
بعدهم ما تهل عيني عله احد
حفر گبري من اخذ روحي ولحد
وقروا الانجيل من صلوا عليه 

اهداء الى اعز الناس على القلب

زماني شما لعب بيه...ولهتم
والراده علي يسري...ولهتم
بروحي شماتغيرتوا...ولهتم
لان حبكم دوه لكل مرض بيه

كلبي من الحزن ورث...وعطاب
وعيني اعله الطالع...وعطاب
حنيت لزادك وملحك...وعطاب
لان بس ملحك الغزر بيه

جيتك وبظلام الليل ...عناي
وعزفت بروحي مية جرح...عناي
بعد ما ظنك تنشد...عناي
بعد هجرك يروح الروح اليه

مره اشوفكم مشمش...مرتين
وكلبي مو مره حب...مرتين
العنده مره هلكانوانه...مرتين
وحده ترفع والثانيه تكبس بيه

بنات الوكت يا ناس...مرضني
يرضي بيهن الكلب...مايرضيني
مره يقيني يصيب وياهن...مرضني
ضني بكيدهن ميه بالميه 

فراكك هدني ولا خله بيه ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه 

نساك الطلع برة ونـتـناسة
يالعراق انت اهله وانت ناسة
يذكرك تراب الوطن وانت ناسة
لاتنسة الفرات من شربت ميه


نثرت دموعي للاسمر والاكحل
وصبغ وجانتي على خدودي ولك حل
صدكني سهل انت ولك حل
احلك لو ترد انت علية


على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه


قلبي انت ملكته وانت حر بيه 

عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية


باب الدار بجفوفي لحني
وحنين النوك ما يوصل لحني
وطيت لكن اسهمك لحني 
بوسط قلبي وطبيبي احتار بية


هلي وياهم چنت عايش بلاهم 
ونهاري شماضوى مظلم بلاهم 
هلي مدري الوكت شنهو بلاهم
ولاهم اعرفوا بالصار بيه



حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية


الك ياصاح ماظل مني خاطر
واحسبه احساب دربك من اخاطر 
تعال كرب حبيبي مني خاطر
تعرف اجنون حبك اسوه بيه


انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه


عيونك تصيب الگلب بسهام
يلي ابد ماشفت بهواك بسهام 
انا طير المهاجر بالفضاء بسهام
اشوفك وانا تايه بالبريه


يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه

احوك بثوب حسنك وانسى جنه
جنم ارضــــــه بيها وانسى جنه 
احسبنـه بقفص عينك وانسجنه
رش عينك يضل حارس عليه

رت دم المشى بداخـــل وريدك 
ومثل متريـــــــد مشيني وريدك
فراكك حيـــــــل مرمرني وريدك
على جروحي تدوس بلا خطيه

اريد اغفى على ذراعـــــــك وانا من
كضينـــــــه الحب تمـن انت وانا من 
وحك عيناك نسيت اسمي وانا من
تهت ارجوك دليني عليه

حلفت ما انشر خبر حبنه ولا طش
مجيم حظي وي فكــري ولا طش
ولك مثلك ما شفت لزكه ولا طش
لا مثلي شفت واحد خطيه

طعم حبـك يمحبوبي شفانه
تشابكنه ولا واحـــــد شفانه
تذكر من سوه طبكن شفانه
شافوني وسمعو محد فزع ليه

مو كلمن قــــره شعرك حسب حسابك
يمن حتى الشعـــــر يحســـب حسابك
احذرك جرحي لا تهجنه حسب حسابك
لان الجروح يفزن سويه
-------------------
الطبع بيه الخيانـه هــــم اخونه ؟
مهي حسره بدليلي هـم اخ ونه
صديقي وهم حبيبي وهم اخونه
لكيته بزادي حط سموم حيه
---------------
يروحي بطلي المعاشر وعودي
سباني ونحـل عصامي وعودي
انا الما خنت مـــــــــره وعودي
عجب ليش الحبيب ايخون بيه
-------------------
على خدي نـزل دمعي ونشفه 
دحط ايدك على ..ي وانا اشفه
اذا منك تجي شفــه وانا شفه
نموت اثنينه بالحب سويه
------------------
ايام العســــــر الله كفاك شر هن 
وانا ايامي على العاكـول شر هن
رهنت بيتي وجهالي بعد شرهن
ولكيتك ضدي متراهن عليه
---------------
زادي للمعــــــذب الــــروح سمن 
جروحــك بالكلــــب يهواي سمن
سمي من يحبك غيـري سم من
اليحبوك كلهم فدوة ليه
------------------
عليك اتلفـــــــــــت حالي ومالي 
وكتاب مالف بحبــــــــــــك ومالي
كالو حبيبك رحل لجيبوتي ومالي
كلت لو صاير فحم رجعوه ليه
------------------
حبيبي الضكت حلوه منسه مره
ويكولي اترك وانسه منسه مره
يكل همي اللفاني مـن سامره
سكنت البصره من غصبا عليه
----------------
يها تمشي بحينـــــــــــه ورده ورده
واريد اشتـــــــــم وجنتك ورده ورده
عمي تره عطشان قلبي ورده ورده
الحكلي بالوصل قبل المنيه
----------------
اصبحت شرياني يلغالي دمنته
وحك حيدر علي حبـــك دمنته
وما انساك انا لحضــــه ودمنته
عيوني ثنينهن ونته الهويه
-----------------
احبكم اكثر مـــــن الكون وانسه
وعندي الموت اذا يرضيك ونسه
ما فارك ابـــــــــد ذكراك وانسه
والك روحي اقدمهه هديه
----------------
سفينة نوح موطنـــــه و قارب 
جمع ما بين اصحاب او اقارب
ترة محفوض موطنـــه اوقارب
العرش صبح اومسيه
---------------
 
احبك ما أحب غيرك ولا مل
كلبي ماشبع منك ولامــــل
بكنوز الدنيا ماابدلنك ولامال
وظل اهواك لاخر نفس بيه
..............................
جرحك لابره ولادار حوله..
مجتف والشرك ملفوف حوله
الوكت ينظر عليه بعين حوله

.سلب روحي وطلع مشتبه بيه
..............................
فال الخير مامرة فولي
وحبك هم ترس قلبي فولي
اذا ماعاجبك فشطح فولي
بس بشرط خن ولي سوية
.............................
انا الشديت جرحك ليش حليت 
.ومثل حلت مدارس عليك حليت 
ذكرتك بأمتحاني وغلط حليت
.شجاوب وانت شاغل حته ايديه
...................................
مدلل ما تهيد انت واناهد
وتكضني حيل متهدني واناهد
عليه اتهد واكوملك واناهد
اصير وياك حتى نهد عليه
..................................
غزل عينك رهن روحي وجرهه
وشعل نيران البكلبي وجـــرهه
اريد اتمسك بشفتك واجـــرهه
حتى انقل ذنوب البيك الية
.................................
الجسد مو كلب كامل بيه نصبه
والك تمثال وسط العين نصبه
احبك لو صرت بهواك نصبه
واموت عليك من تضحك عليه
...................................
تره الواشي عرف سرنه وشاعه
وابد لتظن جذب حبي واشاعه
انه لكلبي خذت صوره واشاعه
طلع مكتوب احبك للمنيه
................................
بمشيتك مااظن يمشي ملازم
وحسنك منكتب عنه بملازم
حبيبي لاتحط احمر ملازم
شفتك والورد صارن سويه
...............................
فصوص العين فص يمي وفص لك
يامن يوسف انت اصلك وفصلك
اخيطك بيدي تدريني وافصلك
واجيبك فيت يالترهم عليه
...................................
يفرح الروح وصلك من تصلها..
واحسها ثلج نارك من تصلها
اناادعيلي بصلاتك من تصلها
بلكي اصبح الك وتصير اليه
................................
ازرع ورد واحصد شوك واجني
وغرامك بالف لهبه نار وجني
يقاسي الكلب دمعي حرك وجني
ولا مرة عطف كلبك علية
يضلعي بيش اجبرك والحماك
ولا واحد شكف عنك والحماك
يجيك الضيم من دمك والحماك
ومـنـهـم ما تـصح بـس الاذيه
***
نسـيـت وتهيت روحي وهم بيك 
خويت وضيعت ناسي وهم بيك 
وحسافه العمر خلصته وهم بيك
اطلعت جذاب وهم تضخك هليه
***
احبك من صغر سبك ويهلك 
ليش اللي يحب يتعب ويهلك
لغار عليك من تكعد ويهلك 
اذا ويه الغريب اشلون بيه
***
مـجهـول الهـويه انـه بلاسم 
ولجرح الكلب ردتك بلاسم
يـحـيه ماي ماتاذي بلاســم
شجاكم كوبرا صرتوا عليه
***
دمـعـتـك هـم دمـع تجري وهماي 
وعليك وظل يحث جدمي وهماي
عفاني شلون شلت همك وهماي 
ابكلب واحد ولا بين عليه
****

اسلم ماترد مالك .. عسلماي
وبيك ايدير من هجرك .. عسلماي
انشدك عن لمى اشفافك .. عسلماي ؟؟
حليب ودرته اشفافك عليه

..............

رماد الود على افراكه .. ولعناه
وكلبنه اشما سكن شوكه .. ولعناه
شلي ببليس اسبنه .. ولعناه
غواني الحب شله الشيطان بيه ؟؟

..............


مشه والروح غفله .. راودتني
وعليه العين تربي .. راودتني
زليخة بوجه ثاني .. راودتني
عن نفسي وخذت ثوب العليه

..................

كصير الدرب مالك .. ماشعلني
وانا ظنتي ابجهنم .. ماشه عني
طفيت وغير شخصك .. ماشعلني
قيامه لوحدي سويت بيه

.................

متى منياي يحبابي .. سنلها
ويوم البالجفه روحي .. سنلها
دويت ونار فركاكم .. سنلها
وحركت الفزعوا ايطفون بيه

..................

شبيهك بالحواري العين .. يندار
ولجدامك فرشت الروح .. يندار
نذر عمري اعله عمرك كون .. يندار
وشكو عندك علل تندار بيه

لان ماريــــــــد اشوفك يوم حزني
وتدري ابسيف هجرك ولك حزني
كلبك انت وحـــــــدك الي حزني
و (حيازه وحمل) سلمتك بديه
---------------------------
لو راسا تكلي ارجــوك هدنه
وتعاركني وتــريد انوب هدنه
ولك والله العشك وياك هدنه
مريض انه تعال اسال عليه
---------------------------
لو مره تمــــــــــر مثل الشماته 
وانا لنحرك يالاسمـر وك شماته
ولك مغــــــرور كالولي بشماته
صحيح ابشامتك تنغر عليه ؟
------------------------------
لــــــــو تذكر رباي وياك والعن
ولا تنغر على اللي بيك والعن
فرضنا لــــو اسبك حيل والعن
مريض انه تعال اسال عليه
---------------------------

لـــــــو تعرفني احبك واشتمنك
ولان منطي للواشي وشتمنك
اريـــــد اليوم احضنك واشتمنك
واشوفك هم تذب روحك عليه
-------------------------
وشوف اشلون حالي منتسلني
ولكن سيف صــــدك منتسلني
الدمع يغلــب جوابي منتسلتي
اضحك بالجذب غصبن عليه
----------------------------
يا صاح طال هجرك مــر علينا 
مو حتى الزاد بعدك مـر علينا
اذا بعدك تحبنا مــــــــر علينا
تعال وكروة التكسي علينه
-------------------------
سواد العين عكبك سال مني
وأعاند وي عذولي سالمني
جفوف هواي عكبك سالمني
ونارجفك ليهسه بين ايديه
-----------------------------
اريــــد اخبط مزيج الرمل والحر
وادور عل الصديج الوفي والحر 
نخيت الله وابو الحسنين والحر
يحفظ كل اخو يذكر اخيه
----------------------------
يا شارع اشوفنـــــــك وه تادي 
اريد اصرخ بعالي الحس ونادي
وحسرتي تحرك اليابس ونادي
يمته تمر يمحبوبي عليه
----------------------
حلو طبعك حبيبي من تعادي
احكمت قلبي قساوة وانتة عادي
تمنيتك حبيبي من تعادي
تعادي الناس اليوزونك علية

بعـــيد ولا جــنح عــندي وامرهم 
وصرت خاضع لأمر الله وامرهم 
البعد لابــد يــوم يخلص وامرهم 
واعاتب كل محب ما ينشد علية

جرعت من الصبر كاسات مره
ولاسني ضحك للوكت مره
يالرايح للحبيب ارجوك مره
وخبره هوه بفرح واني باذيه

علية سودة الليالي طوال والدور
وانا لأجلك رخصت الذهب والدور
احبك من زمانالدار والدور
شعجب لمن كبرنة تخون بية

صرت صياد الـــــــــــــــك وشباچ
وگلبي بي فـــــــرد نفذه وشباچ
صرتي مثل كومة حطب واشبچ
واحركج واحرك العرفچ بيه


سود اهدوم يوم الرحت گصيت
ولا مـــــــــره بكلام وياك گصيت
تذكر صــــــوره انته وياي گصيت
هاي بجيبي شايلها هويه


حتى اسمي نسيته ابيوم شفتك
وكلت الكلبي فكني وكـــال شفتك
اخاف النحــــــــل يلتم فوك شفتك
يشوف العسل حسباله الخليه



لتهم بالعمر خلصان وحده 
وانه ضعني سرا بالهوى وحده 
حلت جنها بعيونك غير وحده 
وكمت ما تسال ولا تمر بيه 



الا تظلم دليلي اياك وياك
انه طفيتك وجف الغير وياك 
صدك من علي تهد وياك 
اهد وافزع وطك بثنين اديه 


صحبتك ليش كصرت ما طلتها 
وانه الدنيا علمودك ما طلتها 
جنتلك فرصه سهله ما طلتها 
خسرتني بسبب بطرانك عليه 

على ربعي فلا كضيت حايه 
عدل ما دورت فد يوم حايه 
لجن وسفه بعضهم صار حيه 
ناعم ملمسه وبيه الاذيه 



الدنيا اسيوف بظلــوعي .. سنتها 
وقوانين التعب لجلـــــي .. سنتها 
الوادم تحتفل بآخــــــــر .. سنتها 
وأنه ابجي اعله العمر راح منديه


الگلب ضل بس اهو وحـــده .. ورباه 
يتيم وما لگه واحــــــــــــــد .. ورباه 
منو المثلي أخ جرحــــــــــه .. ورباه 
وكبرنه اعله القهر احنه سويه


كلبي شم عطر خدج وراساج 
وعلى مرسى العشك حطج ورساج 
احلف بالغزل واهله وراسج 
معوفنج لون تدنه المنيه 

اساس بعشرتي وياك صبيت 
وجنني الهوى وبالشوك صبيت 
اذا انته عليه ادموع صبيت 
بجيت عيون من فركاك اليه 



حبيبي من الهوى نصلي ونصلاك 
وواجب نعتني شخصك ونصلاك 
نص مهجتي الي ونص لاك 
وثلثين العقل والباقي اليه 


حبيبي شاخرك عني وماييت 
الوسيعه ضاكت بعيني وما يت 
طريح وناحل بهجرك وميت 
ارحمني بصدت عيونك عليه 


روحي تكول عدله ما ني ميته 
وعجب زرع الزرعته ما نميته 
وهذا الليل كله ما نميته 
فراك وحرمو وصلك عليه 

تحله البوسه محبوبي من شفاك 
عسل وتغمسه اشفافي من اشفاك 
تطيب اعضاي كلها من اشفاك 
لان شفتك دوة موصوف اليه 


اكتبلي شما ردت تكتب وردلك 
بساتين بوسط روحي ورد لك 
اغيب وابتعد وازعل وارد لك 
لان الكلب بيدك مو بديه 

شجاگ أتسودنت يااا وطـن شنهي شبيك؟ بيك الأيمه كلهه وشعبك يعاني! الطايح منذبح والوگف هم مذبوح، ما تعرف المنجني عليه من الجاني! ومنصوبه الچوادر ما رضت تنشال، ... ... شما ينشال چادر ينُصب ثاني! ودفانه أشكثر ما گامو يلحگون، أذا حتى العدل يصرخ وين دفاني؟ ومراجيح المدينه ماكو يمهه أطفال وأطفالك خطيه لعيدك إتاني! وأتدور السنه وراس السنه مگطوع، وما ينولد عيسى ومريم أتاني! عيدك لابس أسود يمشي ويـ عاشور، وأيد بأيد واحد گايد الثاني! علگتك حرز برداني من الخوف، بعدني ما خفت عتيت برداني!!!
.
.
.
.
.
.
.

.
.ها خلصتوهن لولا
برب

منوووووووووورة الموضوع عيوني
الف هلأأ بيج