قصيدة...من نتلاكه

من نتلاكه..انشوف الروح تحضن روح
وتهيم الدنيه ابملكانه
وتغيرت د نيانه هواي
لاذاك انته ولاهذ انه
من نتلاكه انته الرايد
شبه الغربه المبتعـدين
شكد حـب بهـذ العـا لم
وشكد ما بلدنيه اشواك
وشكد احلام اللي حـلمنه
تفسرت احلامك بفراك
جا نت روحك ويه العـندي
جانن وحده موروحين
الكلب العندك والعندي
نفس الدكه فدشريان
جم طير الغـرد علسدره
ياسدره المابيهه اغصان
طيري وغصنك
تجمعهن دمعات العين
بس كلي شغير دكاته كلب العندك
والضحكه البشفافك ماتت
والدمعه النزلت من عينك ليش امسحها
مامرخوص امسح دمعاتك..موجفييني
وطبوعه بخدك جفيين
كلشي اتغيرحته الشارع وهاي الناس
مامعقوله اتغير انه
بس عندك مات الاحساس
لاتتوهم تكول ايحبني صدكني ماطخلك راس
جان الشارع وحته الناس النه تباوع
هسه الشارع من نتلاكه ايعوف ارصفته
وحته الطيف التعنالك هم خاصمته
سألوك الوادم متونس انته تكلهم حبهم بعته؟؟
انه البايع من ازمان وكلبي كسرته
من نتلاكه...
مانشابك انشلت كل الآيدين
انته تغير طبعك كلش
لازم انه اتغير طبعن..
ماريدن توفي البذمتك
مارايد توفي شماأطلب
دين العندك لاماريده
مامبري الذمه ولاتفرح
خايف من توفي تمر بييه
لاماريده..طايح منك كل الدين
كلش خلصت وياك العشره
وبعشرتكم...متندمين
وخذ ارسومك.اوحته الذكرى
اوكل اهدومك.. مارايد تبقالك ذكرى
لا..لتخليهه وتضن ارجعلك بعدين
بس جلمه ولازم احجيهه
خليهه..باذنك ترجييه
ماأسمحلك تفكر بييه
وماضن ظلتلك حنيه
من نتلاكه...؟؟
لتحط اعيونك...بعيوني
كلش انسه هاي اللحظه
لاعيني بعينك يتلاكن
لاكلبي بكلبك يشابك
انته التعرف شنهي الغايه كلش زين
ما محتاجك...الله وياك
خاينه انظل مرتاحيين...؟؟من نتلاكه

شكرا قصيدة ولا اروع

كلام روعه
من شخص اروع
تحياتي الج

~.الكربلائية.~ كتب:: شكرا قصيدة ولا اروع

تشرفت بمروركي الجميل ع متصفحي يا الغالية

:¨°• سےلــو •°¨: كتب:: كلام روعه
من شخص اروع
تحياتي الج

نورتي الموضوع حبي

روووعه شاعره
تحياتي

» كالوهة كبل بس ماخذت عبرة قصيدة اجنن
» قصيدة حبيتك ---حزن وفراق والم ..........دموع وغدر وخيانة